Кытайлык DeepSeek компаниясынын DeepSeek-R1 чат-боту америкалык технологиялык гиганттардын акцияларын кыйратып, миллиарддаган жоготууларга себеп болду. Эң чоң жоготууга Nvidia'нын негиздөөчүсү Женсен Хуанг дуушар болду. Анын байлыгы 20%га, тагыраагы 101 миллиард долларга чейин кыскарып, акцияларынан 600 миллиард доллар жоготту. Мындан башка Oracle'дин негиздөөчүлөрүнүн бири Ларри Эллисон 22,6 миллиард доллар; Dell компаниясынын негиздөөчүсү Майкл Делл — 13 миллиард доллар; Binance компаниясынын башчысы Чанпэн Чжао — 12,1 миллиард долларлык жоготууга учурашты. DeepSeek өзүнүн жаңыланган чат-бот моделин ChatGPT менен атаандаша алат деп билдирди. Ишке киргизилгенден көп өтпөй, DeepSeek-R1 чат-боту америкалык App Store'де эң популярдуу акысыз тиркеме болду.