"Күн жылыса киного бармай болдук". Ырчы Айгерим Расул кызы балдар үйү менен карылар үйүнө барды
Ырчы Айгерим Расул кызы балдар үйү менен карылар үйүнө барды. Бул тууралуу ырчы өзүнүн социалдык тармактагы баракчасына жазды.
"Кычыраган кыштын суук күнүндө жылуу үйдө эс алып жата албадым. Кара-Суу базарына барып, 5 саат кыдырып, муктаждарга кийим тандап, жылуу сапаттуу оюмдагыдай кийимдерди алдым. Биринчи эле командам менен балдар үйүнө баш бактык. 25 балага кышкы жылуу куртка, кечки тамактанууга паалоо, шириндик, суусундук берилди. Эң башкысы балдардын маанайы. Аябай кубанышты… Алган белектерин жактырышты. Балдар менен сүйлөштүк, сырдаштык, кийинкиде буюрса күн жылып калганда чогуу киного бармай болдук. Ар биринин мойнунан жыттап, бала жытына мас болуп коштошкум келбей кайттым. Сиздер дагы сөзсүз келиңиздер!" - деп жазды ал.
Ырчы айым мындан тышкары, карылар үйүнө да барганын жазды. "Чоң аталарга дагы барып, жылуу белектеримди тараттым. Ушул жилеткалар азыр мода экен. Чоң аталар менин келишиме кубанганы көздөрүнөн билинип турду. Азыр эле сенин “Водовоз” деген киноңду көрүп жаттык эле дейт. Кечки тамактанууга паалоо берилди. Бизди баталарын берип узатышты. Мен дагы келем деп убада бердим", - деп жазды ал.Посмотреть эту публикацию в Instagram
