Көк бөрү боюнча Кыргызстандын биринчилиги Ошто жыйынтыкталды
20-25-октябрь күндөрү Ош шаарындагы Төлөйкөн ат майданында өткөн көк бөрү боюнча Кыргыз Республикасынын Биринчилиги ийгиликтүү аяктады. Мелдештин салтанаттуу жыйынтыктоо аземине президенттин Ош облусундагы ыйгарым укуктуу өкүлү Аманкан Кенжебаев катышып, жеңүүчүлөргө сыйлыктарды тапшырды.
Мелдештин негизги максаттары:
Улуттук спорттун көрүнүктүүсү болгон көк бөрү спортун жайылтуу жана өнүктүрүү.
Жаштарды спорт аркылуу достукка, биримдикке жана мекенчилдикке тарбиялоо.
Аймактык командалардын тажрыйба алмашуусун арттыруу.
Эң мыкты оюнчуларды жана аттарды аныктоо.
Аймактарда көк бөрү боюнча машыгуу шарттарын жакшыртууга салым кошуу.
Мелдешке катышкан командалар:
Кыргызстандын 7 облусунан жана эки ири шаарынан (Бишкек, Ош) жалпы 9 команда ат салышты:
1. Чүй облусу
2. Талас облусу
3. Ош облусу
4. Жалал-Абад облусу
5. Баткен облусу
6. Нарын облусу
7. Ысык-Көл облусу
8. Бишкек шаары
9. Ош шаары
Мелдеш Кыргыз Республикасынын Көк бөрү федерациясынын расмий бекитилген эрежелерине ылайык өткөрүлдү. Мелдештин жыйынтыгы:
1-орун: Чүй облусу - 1 000 000 сом
2-орун: Талас облусу - 500 000 сом
3-орун: Ош облусу - 250 000 сомУюштуруучулар жеңүүчүлөрдү чын дилден куттуктап, бардык катышуучуларга жана мелдешти көрүүгө келгендерге ыраазычылык билдиришти.
